Kásiporynda táýligine 2 myń tonnaǵa deıin qaldyq óńdelip, 60 MVt elektr qýaty óndiriledi dep kútilýde.
Sondaı-aq 2029 jylǵa qaraı qaldyqtardy qaıta óńdeý úlesin 80% -ǵa deıin jetkizedi. Qurylysty 2025 jyldyń kúzinde bastaý josparlanyp otyr.
«Qazirgi ýaqytta úkimetpen ınvestısııalar týraly kelisimge qol qoıý máselesi pysyqtalýda» deıdi Almaty ákimdigi taratqan baspasóz habarlamasynda.
Aqparatqa qaraǵanda, jobanyń bas merdigeri bolyp CRCC memlekettik korporasııasynyń enshilesi bolyp tabylatyn China Civil Engineering Construction Corporation anyqtaldy.
Budan basqa, qytaılyq ınvestor kadrlar daıarlaý jónindegi óńirlik oqý ortalyǵyn qurýǵa nıetti. Ol Qazaqstan, Ortalyq Azııa, Mońǵolııa, Iran jáne Aýǵanstan elderiniń jas mamandaryn oqytýǵa baǵyttalady.
